Við erum svo ofboðslega stolt af nýja samstarfsverkefninu okkar við Á allra vörum, en Skeljungur hefur skrifað undir styrktarsamstarf við söfnunarátakið. Í ár rennur allur styrkurinn til Kvennaathvarfsins og mun styrkurinn fara í það að byggja íbúðir fyrir þá skjólstæðinga Kvennaathvarfsins sem eiga ekki í nein hús að vernda.
Samstarfið er í formi lyklasamstarfs og er eitt af fjölmörgum verkefnum er heyra undir samfélagslega ábyrgð félagsins, þar sem Skeljungur og Orkan ásamt viðskiptavinum láta gott af sér leiða. Hér má sjá auglýsingu Á allra vörum fyrir verkefnið 2017 og hér sækir þú um Á allra vörum Orkulykilinn.