Eigendur SF IV eru Arion Banki, Draupnir-Sigla, Einarsmelur, Festa lífeyrissjóður, Gildi lífeyrissjóður, Íscap, Kaskur, PB 1, Lífeyrissjóður starfsmanna ríkisins, SÍA II, Sjóvá, Stapi lífeyrissjóður, Söfnunarsjóður lífeyrisréttinda, VÍS, sjóðir í rekstri Stefnis auk nokkurra lykilstarfsmanna Skeljungs.

SÍA II, framtakssjóður í rekstri Stefnis, er stærsti einstaki hluthafi félagsins með um 24% hlut. Hluthafar SÍA II samanstanda af lífeyrissjóðum, fjármálafyrirtækjum og fagfjárfestum. Framtakssjóðir á vegum Stefnis hafa verið leiðandi í framtaksfjárfestingum á Íslandi undanfarin misseri og hafa, ásamt meðfjárfestum, fjárfest fyrir yfir 20 milljarða í óskráðum félögum frá árinu 2011.

Aðrir eigendur í SF IV eru lífeyrissjóðir, með um 30% hlut, fjármálafyrirtæki og sjóðir, með um 25% og einkafjárfestar, með um 21%.

Ný stjórn Skeljungs hefur verið kosin en hana skipa þau Benedikt Ólafsson, Eva Sóley Guðbjörnsdóttir, Ingi Guðjónsson, Jón Diðrik Jónsson (stjórnarformaður) og Katrín Helga Hallgrímsdóttir.

Skeljungur var stofnaður árið 1928 og rekur 66 bensínstöðvar undir vörumerkjunum Orkan og Shell. Hjá fyrirtækinu starfa um 300 starfsmenn. Þá selur félagið fyrirtækjum um allt land eldsneyti og tengdan varning. Félagið á um 35 fasteignir sem eru samtals um 23.000 fermetrar.

Samhliða kaupum á Skeljungi gekk SF IV frá kaupum á þeim hlutum í færeyska olíufélaginu P/F Magn, sem ekki voru þegar í eigu Skeljungs. P/F Magn var stofnað af Shell í Danmörku árið 1953. Hjá fyrirtækinu starfa um 140 starfsmenn. Magn rekur 11 bensínafgreiðslustöðvar í Færeyjum auk þess að sinna fyrirtækjamarkaði og selja gasolíu til húshitunar í Færeyjum.