Niðurstöður úr stærstu vinnumarkaðskönnun landsins, könnun VR um Fyrirtæki ársins 2025, liggja nú fyrir. Spurt var um stjórnun, launakjör, starfsanda, jafnrétti, starfsánægju, og fleira. Þau fyrirtæki sem sköruðu fram úr í könnuninni hlutu formlega viðurkenningu, enda ærin ástæða til að vekja athygli á frammistöðu þeirra. 

Veitt voru verðlaun í þremur flokkum, lítil, meðalstór og stór fyrirtæki. Það voru 15 efstu fyrirtækin í hverjum flokki sem fengu boð á athöfnina sem fór fram í Hörpu og fengu þau öll nafnbótina Fyrirmyndarfyrirtæki 2025. Við í Orkunni vorum í þeim flokki og einnig hlutum við Fræðsluviðurkenningu VR 2025 sem einungis er veitt einu fyrirtæki í hverjum flokki.

Að lokum fengum við aðal viðurkenninguna sem aðeins þau þrjú fyrirtæki hljóta sem skora efst í hverjum flokki, en við vorum valin FYRIRTÆKI ÁRSINS 2025! 

Þessar viðurkenningar veita okkur staðfestingu á þeirri vegferð sem við höfum unnið að með öllum okkar Orkuboltum. Okkar markmið er að skapa jákvætt, traust og uppbyggilegt starfsumhverfi þar sem allir hafa rödd og taka þátt í að móta starfsumhverfið. 

Við erum þakklát fyrir alla Orkuboltana sem taka þátt og leggja sitt af mörkum alla daga við að skapa orkumikla og skemmtilega vinnustaða menningu.